Nuk është e vërtetë që në Galerinë e Londrës do të hiqet piktura e Jan van Ejkut
Galeria Kombëtare konfirmoi për Reuters se piktura e artistit Jan van Eyck është aktualisht e ekspozuar dhe nuk ka plane për ta hequr atë, as nuk ka pasur ankesa për të. Për herë të parë kjo pikturë u ekspozua në vitin e largët 1843, pikërisht në Galerinë Kombëtare të Londrës.
Po shqyrtojmë një postim të publikuar në rrjetin social Facebook ku thuhet:
BESONI APO JO
Një galeri në Londër dëshiron të heqë një pikturë të Jan van Eyck pas ankesave të shpeshta nga vizitorët për ngjashmërinë e figurës me Putinin.
Meqë ra fjala, piktura u krijua në 1434.
Megjithatë, ndryshe nga postimi që po shqyrtojmë, Galeria Kombëtare në Londër nuk ka ndërmend të heqë Portretin e Arnolfinit të Jan van Eyck (çifti Arnolfini) sepse njeriu në të (Giovanni Arnolfini) dyshohet se i ngjante Presidentit të Rusisë, Vladimir Putin. Kështu tha për kontrolluesit e fakteve të Reuters, personi i marrëdhënieve me publikun e galerisë.
Ai i tha Reuters se piktura është e ekspozuar në dhomën 28 dhe nuk ka plane për ta hequr atë.
Nuk ka pasur njoftime zyrtare nga Galeria për heqjen e portretit dhe as nuk ka pasur njoftime në media për ndonjë thirrje të supozuar për heqjen e pikturës.
Deri më tani, nuk ka pasur asnjë ankesë për të cilën kemi dëgjuar, ose që dikush i ka drejtuar galerisë, tha një zëdhënës për Reuters.
Për herë të parë kjo pikturë u ekspozua në vitin e largët 1843 në Galerinë Kombëtare në Londër.
Për të gjitha faktet e mësipërme, ne e vlerësojmë postimin që po shqyrtojmë si të pavërtetë. Galeria Kombëtare konfirmoi për Reuters se piktura e artistit Jan van Eyck është aktualisht e ekspozuar dhe nuk ka plane për ta hequr atë, as nuk ka pasur ankesa për të. Bëhet fjalë për dezinformim.
Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari