Nuk është e vërtetë që martesa midis njerëzve dhe kafshëve është “legalizuar” në Norvegji

Martesa në Norvegji nuk mund të lidhet me një kafshë, por mund të lidhet vetëm midis dy të rriturve që pranojnë vullnetarisht. Sipas Kodit Penal Norvegjez, nëse dikush detyron një tjetër të martohet me të, ai/ajo mund të dënohet me burg deri në 6 vjet.

Po shqyrtojmë një postim në rrjetin social Facebook që thotë:

Në Norvegji, martesa midis njerëzve dhe kafshëve është legalizuar. Le të vijnë norvegjezët në Shkup për të martuar qentë tanë endacakë.

Nuk është e vërtetë që në Norvegji, martesa midis njerëzve dhe kafshëve është “legalizuar” në kundërshtim me atë që thuhet në postimin që po shqyrtojmë. Pretendimi i rremë buron nga tekste satirike që u shfaqën në internet, por sipas ligjeve norvegjeze, nuk ka martesë midis njerëzve dhe kafshëve. Në Norvegji, kjo nuk lejohet.

ë vitin 2017, faqja e internetit satirike SecretNews.fr publikoi një tekst se Norvegjia do të legalizonte martesën midis njerëzve dhe kafshëve shtëpiake. Kjo satirë u ribotua më pas nga blogje të tjera, pa asnjë mohim se ishte satirë, gjë që bëri që dezinformata të vazhdonte të përhapej.

SecretNews është një botues satirik falas që përfshin disa kontribues. Shumica e informacionit të transmetuar në këtë faqe interneti ka të ngjarë të jenë të rreme, të publikuara për qëllime humori dhe satire. Nuk duhet të merret seriozisht, është shkruar në frëngjisht në fund të faqes që publikoi për herë të parë informacionin satirik.

Nuk ishte i vetmi botim që publikoi këtë dezinformim.

Një artikull në The watchdog web thotë se një Barbara nga Norvegjia u martua me qenin e saj që e shpëtoi në vitin 2015. Megjithatë, artikulli ilustrohet me një foto nga viti 2011, e cila është një datë para “shpëtimit” të supozuar. Kjo është vënë re nga verifikuesit e fakteve të “Lead Stories” të cilët deklarojnë se kjo është dezinformim.

Ideja që njerëzit mund të martohen ligjërisht me kafshë është e pamundur, sepse martesa është një kontratë ligjore midis të rriturve që japin pëlqimin e tyre, diçka që kafshët nuk mund ta bëjnë (të shprehin pëlqimin ose të hyjnë në një kontratë).

Të gjitha kërkesat ligjore që duhet të përmbushen për t’u martuar në Norvegji janë të listuara në faqen e internetit të qeverisë.

Para se të martohen, të dy personat duhet të jenë në moshë madhore, të paktën 18 vjeç. Nëse dikush martohet në Norvegji dhe është i mitur, martesa anulohet.

Martesa duhet të lidhet vullnetarisht dhe sipas Kodit Penal Norvegjez, kushdo që detyron një person tjetër të martohet me të mund të dënohet deri në 6 vjet burg. E njëjta gjë vlen edhe për ndihmën dhe inkurajimin në këtë krim. Ka edhe kërkesa të tjera që mund t’i shihni në detaje këtu.

Për shkak të të gjitha fakteve të mësipërme, ne e vlerësojmë botimin që po shqyrtojmë si të pavërtetë.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari