Norma e krediteve nga EIB për ndërmarrje të vogla dhe të mesme akoma është 5,5 përqind

Do të mundësojmë ulje të normës së interesit për linjën kreditore të EIB prej 5,5% siç është tani në 3 % në vit. Në këtë moment kushtet e tregut, norma e interesit prej 5,5% nuk mund të trajtohet sikur mbështetje. 

[Burimi: Programi i LSDM për zgjedhjet e parakohshme parlamentare në vitin 2016, “Plani për jetë në Maqedoni”  (faqe 209), data: nëntor 2016]

ARSYETIM:

Gjatë kohës së zgjedhjeve të parakohshme parlamentare (dhjetor 2016) LSDM premtoi se në gjashtë muajt e parët të mandatit do të mundojë ulje të normës së interesit të linjës kreditore të EIB (Bankës Investuese Evropiane) prej 5,5% në 3% në vit. Ky premtim zgjedhor i socialdemokratëve deri më tani (07.06.2018) nuk është realizuar.

Premtimi i përmendur i LSDM-së është dhënë në prpgramin e tyre zgjedhor: “Plani për jetë në Maqedoni“, në “Planin 180 – reforma urgjente me prioritet të qeverisë së re në 6 muaj e parë”,  në pjesën “Vende të reja të punës më shumë para te qytetarët, mbështetje për kompanitë vendore” ( faqe 209). Që do të thotë se, sipas afatit për realizim të dhënë në program (gjashtë muajt e parët të mandatit), ulja e normës së interesit për linjën kreditore të EIB prej 5,5 në tre përqind në vit, duhej më së voni të realizohej deri në fund të vitit 2017 – duke pasur parasysh edhe atë se Qeveria e re e kryeministrit Zoran Zaev u zgjodh me 31 maj të vitit 2017. Përsëri, përkundër planeve të këtilla deri më sot (07.06.2018), edhe ka kaluar më shumë se 1 vit që nga formimi i Qeverisë, kjo nuk ndodhi.

Siç mund të shihet edhe në ueb-faqen e Bankës Maqedonase për mbështetje të zhvillimit (BMMZH) përmes të cilës edhe realizohet kjo linjë kreditore për ndërmarrje të vogla dhe të mesme, edhe pse në internet faqet e shumë bankave (Banka komerciale, Ohridska banka, Procredit banka, TTK banka, Hallk Banka, Stopanska Banka – Manastir), te të cilët të interesuarit mund të parashtrojnë kërkesë, norma e interesit të këtyre krediteve akoma nuk ka ndryshuar, gjegjësisht akoma është 5,5 përqind.

Duke pasur parasysh se afati për realizimin e premtimit (fundi i nëntorit të vitit 2017) ka skaduar, ndërsa deti më tani (07.06.2018) norma për kredit nga EIB përmes BMMZH nuk është ulur deri në 3 përqind, e vlerësojmë si të parealizuar. 

BURIME:

• Програма на СДСМ за предверемените парламентарни избори во 2016 г. „План за живот во Македонија ( стр.209) [Пристапено на:  07.06.2018]
• Македонската банка за поддршка на развојот (МБПР): Кредити за мали и средни претпријатија [Пристапено на:  07.06.2018]
• Комерцијанла банка: Кредитна линија од ЕИБ реализирана преку МБПР за учество во програмата за кредитирање на мали и средни претпријатија [Пристапено на:  07.06.2018]
• Охридска банка: Кредитна линија од Европска инвестициона банка преку МБПР [Пристапено на:  07.06.2018]
• Прокредит банка: Кредитна линија од Европска Инвестициона Банка за финасирање на проекти превземени од мали и средни претпријатија преку МБПР [Пристапено на:  07.06.2018]
• ТТК банка: Кредитна линија од Европска инвестициона банка (ЕИБ) реализирана преку МБПР, наменета за кредитирање мали и средни претпријатија и приоритетни проекти [Пристапено на:  07.06.2018]
• Халк банка: МБПР – ЕИБ: Каматни стапки и услови [Пристапено на:  07.06.2018]
• Стопанска банка Битола: Кредит за трајни обртни средства од МБПР – ЕИБ за инвестиции  [Пристапено на:  07.06.2018]

Vlerësoi: Olivera Vojnovska 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari