“Narkomanë nazistë të çmendur” – si ndryshoi retorika e Medvedevit nga liberale në anti-perëndimore?
Që nga fillimi i pushtimit ushtarak rus të Ukrainës, në shkurt të këtij viti, retorika e ish-presidentit rus Dimitri Medvedev është bërë gjithnjë e më e ashpër, veçanërisht për një njeri që më parë nuk e ekspozonte veten shumë para publikut dhe dikur konsiderohej njeri modern dhe liberal. Ai në rrjetet sociale për BE-në, NATO-n dhe Ukrainën përdor fjalë si “narkomanë”, “nazistë”, “iu rrjedh pështyma nga degjenerimi”, “luftë kundër shejtanit”, ndërsa një pjesë e madhe e rrëfimeve të tij transmetohen në mediat e Maqedonisë ose në rrjetet sociale
Shkruan: Меri Jordanovska
“Narkomanë”, “nazistë”, “iu rrjedh pështyma nga degjenerimi”, “lufta kundër shejtanit”. Një retorikë të tillë dhe të ngjashme përdor edhe ish-presidenti rus Dimitri Medvedev, duke përshkruar pushtimin ushtarak të Ukrainës nga Rusia. Edhe në fjalimet e tij, veçanërisht në rrjetin social Twitter dhe Telegram, ku është veçanërisht aktiv, Medvedev përdor fjalët më të ashpra për Perëndimin, NATO-n dhe Ukrainën.
Që nga fillimi i luftës, në shkurt të këtij viti, retorika e tij është bërë gjithnjë e më e ashpër, veçanërisht për një njeri që më parë nuk ekspozohej shumë para publikut dhe dikur konsiderohej si një modernizues liberal.
Në një mesazh me rastin e Ditës së Unitetit Kombëtar të Rusisë, Medvedev tha se detyra e atdheut është “të ndalojë sundimtarin suprem të ferrit, pavarësisht nga emri që ai përdor – Satana, Lucifer…” Medvedev deklaron se Rusia ka armë të ndryshme, duke paralajmëruar se “Moska mund t’i dërgojë të gjithë armiqtë e saj në zjarret e përjetshme të ferrit”.
Moska po luftonte me “narkomanët e çmendur nazistë” në Ukrainë, të mbështetur nga perëndimorët të cilëve iu rrjedh pështyma në mjekër nga degjenerimi, tha ai.
Ish-kryeministri dhe presidenti, zëvendëskryetari aktual i Këshillit të Sigurimit të Federatës Ruse, Dimitri Medvedev, hapi profilin e tij në Telegram më 17 mars të këtij viti pas fillimit të luftës në Ukrainë. Profili i Medvedevit në mediat sociale që atëherë i është kushtuar narrativave antidemokratike, antiperëndimore dhe anti-NATO.
Në qershor të këtij viti, Dimitri Medvedev sqaroi:
Shpesh më pyesin pse postimet e mia në Telegram janë kaq të vrazhda. Përgjigja është se unë i urrej ata. Ata janë bastardë dhe llum.” Ata duan vdekjen, për ne, për Rusinë, ka shkruar Medvedev, duke shtuar se “për sa kohë të jem gjallë, do të bëj gjithçka për t’i zhdukur“.
Ai nuk sqaroi nëse me “ata” u referohet ukrainasve, politikanëve perëndimorë apo të dyjave.
Në rrjetin social Twitter ai numëron 1.1 milionë ndjekës, ndërsa personalisht ndjek vetëm 20 profile. Ngjashëm aty vërehet retorikë e tillë e ashpër, ndërsa në komente ka një numër të madh njerëzish që e mbështesin, por edhe ata që e kritikojnë dhe shprehin habi për narrativat e tij.
The fastest way to bring the conflict in Ukraine to the point of no return is to arm the psychos in Kiev with longer-range MRLs.
The elderly leaders of Washington obkom and NATO upstarts must use their softened brains at least sometimes.
— Dmitry Medvedev (@MedvedevRussiaE) October 11, 2022
Mënyra më e shpejtë për ta sjellë konfliktin në Ukrainë në pikën e pakthimit është të armatosësh psikopatët në Kiev me raketa me rreze të gjatë veprimi. Udhëheqësit e lartë nga Uashingtoni dhe NATO ndonjëherë duhet të fillojnë të përdorin trurin e tyre të butë, shkroi Medvedev në tetor të këtij viti.
Në gusht të këtij viti, sërish, Medvedev në Twitter u përpoq të vendoste një shenjë barazie mes Presidentit të Ukrainës Volodymyr Zelensky dhe Adolf Hitlerit.
The chief clown of Ukraine suggested “holding the whole population of Russia responsible”. It was Adolf Hitler who last tried to apply such ideas to a people as a whole. Any questions remaining about the Ukrainian regime’s nature?
— Dmitry Medvedev (@MedvedevRussiaE) August 9, 2022
Shefi – klloun i Ukrainës sugjeroi që “e gjithë popullsia e Rusisë të mbajë përgjegjësi”. Adolf Hitleri ishte i fundit që u përpoq të zbatonte ide të tilla në një komb në tërësi. A ka ndonjë pyetje në lidhje me natyrën e regjimit ukrainas?, thotë postimi i Medvedev në Twitter në gusht të këtij viti.
Të dhënat statistikore nga faqja e internetit “Trendsmap”, e cila monitoron këto tendenca, tregojnë se si u rrit numri i ndjekësve në llogarinë e Medvedev në Twitter. Shihet se në vitin 2022, numri i personave që ndjekin profilin e ish-presidentit të Rusisë rritet papritur dhe me “shpejtësinë e dritës”.
Retorika e Medvedevit ndiqet gjerësisht edhe në vend. Mediat transmetojnë deklaratat dhe shkrimet e tij në rrjetet sociale, në të cilat ai fjalë për fjalë flet me neveri për Perëndimin, NATO-n dhe Ukrainën.
Vëmendje e veçantë iu kushtua tweetit kur Medvedev i bëri thirrje Elon Muskit, njeriu më i pasur në botë dhe pronari i ri i Twitter, të çaktivizojë shërbimin e internetit satelitor në Ukrainë. Medvedev e uroi Musk për “tejkalimin e paragjykimeve politike dhe diktaturës ideologjike në Twitter”.
Dhe hiq dorë nga ai biznes me Starlink në Ukrainë, shkroi Medvedev.
Në të njëjtën kohë, edhe Musk u përfshi gjithashtu në një bisedë të çuditshme në Twitter me Medvedevin.
Pasi Medvedev shkroi në Twitter: “Mirupafshim Liz Truss, urime për sallatën”, duke iu referuar dorëheqjes së kryeministrit britanik, mbretërimi i të cilit në Britani është krahasuar me gjatësinë e një koke marule, Musk u përgjigj: “Trolling mjaft mirë, të jem i sinqertë.” Për këtë, Medvedev u përgjigj: “Shihemi në Moskë në Ditën e fitores”.
Mediat e Maqedonisë raportuan edhe deklaratën e fundit të Medvedevit (15.11.2022) në Telegram, i cili komentoi votimin në Kombet e Bashkuara për rezolutën që kërkon krijimin e një mekanizmi që Rusia t’i paguajë reparacionet ushtarake Ukrainës. OKB: Rusia t’i paguajë reparacionet Ukrainës, Medvedev kërkon që SHBA t’i paguajë Serbisë, thuhet vetëm në një nga titujt e mediave maqedonase.
Pas miratoi rezolutë Rusia t’i paguajë reparacionet Ukrainës, Asambleja e Përgjithshme e Kombeve të Bashkuara tani duhet t’u bëjë thirrje SHBA-ve që të paguajnë dëmshpërblime ndaj Koresë, Vietnamit, Irakut, Jugosllavisë dhe vendeve të tjera, shkroi Medvedev në Telegram.
Në vend në rrjetet sociale shpërndahen edhe pretendimet e Medvedevit që ai ndan në rrjetin social rus Vk.com, ndërsa Vërtetmatësi tashmë ka zhvlerësuar disa prej tyre.
Kur Dmitri Medvedev u bë president i Rusisë në vitin 2008, ai ishte lideri i parë i vendit në dekada pa lidhje të njohura as me ish Partinë Komuniste Sovjetike dhe as me shërbimet sekrete.
Megjithatë, Medvedev – një avokat i kualifikuar – ishte jashtëzakonisht i afërt me paraardhësin e tij, Vladimir Putin, ish-agjent i KGB-së. Ai bëri fushatë si një mbrojtës i Putinit dhe u lidh me politikat e tij sapo fitoi zgjedhjet e 2007-ës.
Do të mund ta ruajmë kursin e Presidentit Putin, tha ai atëherë.
Në vitin 2012, ata ndërruan pozicionet – Putin u bë president për herë të tretë, ndërsa Medvedev u kthye në pozicionin e kryeministrit, deri në vitin 2020.
Sipas disa analistëve, presidenca e Medvedev duket se premtonte ndryshime pozitive, si në Rusi ashtu edhe në marrëdhëniet me Perëndimin, duke sinjalizuar “mundësinë e një periudhe të re, më liberale në politikën ruse”. Më vonë, megjithatë, ai fillon të marrë pozicione gjithnjë e më radikale.
Në fund të qershorit, ndërsa lufta e Rusisë kundër Ukrainës vazhdonte, 27-vjeçari Ilija Medvedev – djali i Dmitri Medvedev – zyrtarisht u bë anëtar i partisë në pushtet të Putinit “Rusia e Bashkuar”. Kjo erdhi vetëm disa javë pas njoftimeve të pakonfirmuara se SHBA-ja i kishte anuluar vizën Ilja Medvedevit, i cili jetonte në Kaliforni, SHBA dhe i kishte dhënë dy ditë kohë për t’u larguar nga vendi. Ky lajm ende nuk është konfirmuar zyrtarisht.
Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari