Me shpërndarjen e Parlamentit nuk pushon mandati i deputetëve

Nga admin 0
Karakamisheva-Jovanovska gabon kur thotë:"të gjithë deputetëve u ka pushuar mandati, që do të thotë nuk kanë të drejta dhe obligime" Foto: Skrinshot

Profesoresha universitare Tanja Karakamisheva-Jovanovska, në një deklaratë në Tv Nova, të cilën e raportuan disa mediume (07.04.2016), tha

 Hyri në fuqi vendimi i shpërndarjes së Parlamentit të R.M. që do të thotë nga sot Parlamenti ndërpret funksionimin me këtë përbërje siç ka funksionuar deri mbrëmë. Të gjithë deputetëve u pushon mandati, çka do me thënë më nuk kanë asnjë të drejtë dhe obligim në bazë të kushtetutës dhe në bazë të mandatit të cilin e kanë fituar në vitin 2014.

 [ Burimi: Netpres, Data: 06.04.2016 ]

  ARSYETIM:

Deklarata e këtillë e profesoreshës e të drejtës kushtetuese dhe sistemit politik në Fakultetin e drejtësisë “Justiniani i Parë” në Shkup, në të cilën ajo prerë thotë që me “shpërndarjen e parlamentit deputetëve u pushon mandati”,  nuk korrenspondon me kornizën ligjore e cila e trajton këtë materje dhe për këtë arsye e vlerësojmë si të pavërtetë.

Për këtë dilemë në Kushtetutën e Republikës së Maqedonisë në Nenin 63 thuhet:

 Deputetët në Parlament zgjidhen me kohëzgjatje prej katër vitesh. Mandatin e deputetëve e verifikon Parlamenti. Mandati fillon nga seanca konstitutive e Parlamentit.

Parlamenti i zgjedhur formohet në seancën konstituive më së voni 20 ditë pas zgjedhjeve. Seancën konstituive e thirr kryetari i Parlamentit nga përbërja paraprake.

 Në qoftë se nuk caktohet seancë konstituive në afatin e caktuar, deputetët vetë mblidhen dhe e konstituojnë Parlamentin një ditë pas afatit prej njëzet ditësh prej mbarimit të zgjedhjeve.

 Zgjedhje për deputet të Kuvendit mbahen në 90 ditët e fundit nga mandati i përbërjes së vjetër parlamentare ose në afat prej 60 ditësh nga dita e shpërndarjes së Parlamentit.

 Mandati i deputetëve në Parlament mund të vazhdoj vetëm në rast lufte ose gjendjeje të jashtëzakonshme.

Me ligj përcaktohet papajtueshmëria dhe pamundësia  e zgjedhjes në funksionin e deputetit në Kuvend nëse personi kryen ndonjë funksioni tjetjër publik ose profesional.

Kuvendi shpërndahet nëse për këtë votojnë shumica e numrit të përgjithshëm të deputetëve.

Ligji për Parlamentin e Maqedonisë precizon saktë kur ndërpritet mandati i deputetëve. Në paragrafin e dytë të këtij Ligji. II, FILLIMI DHE PUSHIMI I MANDATIT DHE PAPAJTUESHMËRIA E FUNKSIONIT TË DEPUTETIT BËHET ME KRYERJEN E NDONJË FUNKSIONI TJETËR PUBLIK APO PROFESIONAL Neni 5 thotë:

(1)  Mandatin e deputetëve e verifikon Kuvendi.

(2)  Mandati i deputetëve zgjat nga dita e verifikimit deri në ditën e verifikimit të mandatin të deputetëve të ri, por jo më gjatë se katër vite.

Bazuar nga kjo qartë duket që deputetët kanë mandat deri atëherë kur Kuvendi nuk i verifikon mandatet e deputetëve të rinj. Çka do të thotë, edhe pse Parlamenti është shpërndarë  mandati i deputetëve aktual zgjat akoma.

Duke pas parasysh këto përcaktime ligjore deklarata e profesoreshës Karakamisheva- Jovanovska që ” të gjithë deputetëve u pushon mandati, do të thotë që nuk kanë asnjë të drejtë dhe obligim në bazë të Kushtetutës dhe në bazë të mandatit të cilin e kanë fituar në vitin 2014“, e vlerësojmë si të pavërtetë.

 

BURIME:

 

Vlerësuar nga: Оlivera Vojnovska

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Shkrime hkrime të ngjashme Më shumë nga autori

Your email address will not be published.

Јазици MK SQ EN