Me pamje nga video të prera, manipulohet se pjesëmarrësit në një reality show kanë ngrënë mish njeriu
Në fragmentin e videos së shpërndarë në këtë postim, është shkurtuar pjesa ku konkurrentëve u thuhet se bëhet fjalë për një shfaqje humorstike. Sigurisht që në ushqimin e tyre nuk kishte mish njeriu dhe as nuk bëhet fjalë për kanibalizëm, siç pretendohet rrejshëm në postim. Epo, duke qenë se një pjesë kyçe e emisionit është lënë jashtë (prerë), postimi është jashtë kontekstit
Po shqyrtojmë një postim të publikuar në rrjetin social Facebook, në të cilin shpërndahet video material, ku shfaqet një klip nga një emision televiziv ku dy vajza ndodhen në studio me një kuzhinier. Ata duhet të përcaktojnë se cili nga tre përbërësit e ofruar – mëlçia e peshkut, mishi i njeriut apo peshkaqeni – ishte në ushqimin që sapo e kishin shijuar. Vajzat përgjigjen se mendojnë se ndoshta kanë provuar mish peshkaqeni nga opsionet e ofruara. Megjithatë shefi i kuzhinës i bind se është një specialitet që përmban mish njeriu dhe se është një burim i shkëlqyer proteinash. Njëra nga konkurrentet del në mënyrë demonstrative nga studioja dhe tjetra kërkon një kovë për të vjellë. Edhe konkurrentja e dytë proteston dhe thotë se do të donte të informohej paraprakisht se në specialitetin e shijuar mund të kishte mish njeriu.
Këtu përfundon klipi në postimin që po shqyrtojmë dhe për të cilin autori thotë:
Ky është tashmë kulmi i Satanizmit! Specialitete me mish të njeriut! Zot, tund një meteor të madh dhe kryeje punën tash.
Në të, garuesve u zbulohet se bëhet fjalë për një shaka, pra se po tallen dhe sigurisht që ushqimi nuk përmbante mish njeriu si një nga përbërësit.
Emri i shfaqjes është Fameless. Është një shfaqje komedi amerikane e drejtuar nga David Spade që u transmetua në TruTV për dy sezone nga 2015 deri në 2017. Emisioni origjinal ishte për tetë episode, me dhjetë të tjera të shtuara për të plotësuar sezonin e parë, për shkak të vlerësimeve pozitive dhe shikueshmërisë.
Në çdo episod të serialit ka pasur një grup njerëzish që donin të bëhen të famshëm dhe që besojnë se janë në audicion për një reality show. Por pa e ditur, ata në fakt janë duke filmuar një parodi me aktorë që interpretojnë situata që ata të shohin reagimin e tyre. Skenarët janë të ekzagjeruar dhe absurde, siç shihet edhe nga skena me gjoja mish njeriu në ushqim.
Në videon e veçantë shpërndahet vetëm një pjesë e episodit dhe është prerë pjesa ku konkurrentëve u thuhet se është një shaka dhe se janë pjesë e një shfaqje humoristike. Sigurisht që në ushqimin e tyre nuk kishte mish njeriu dhe as bëhej fjalë për kanibalizëm, siç pretendohet rrejshëm në postimin që po rishikojmë.
Meqenëse një pjesë kyçe e emisionit është lënë jashtë (prerë), postimi është jashtë kontekstit. Pjesa e prerë është ajo nga e cila duket qartë se bëhet fjalë për një shaka që u zbulohet në fund konkurrenteve.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari