Maqedonia e Veriut ka vija të kuqe për mosmarrveshjen me Bullgarinë
Timço Mucunski, një figurë e rangut të lartë në VMRO-DPMNE, thotë një gënjeshtër në një intervistë që vendi nuk ka vija të kuqe të forta kombëtare në mosmarrëveshjen me Bullgarinë
Deputeti Timço Mucunski dha një deklaratë në një intervistë, në të cilën zbulojmë të pavërtetë:
… Nga Bullgaria kemi një pozicion shumë të parashikueshëm dhe transparent, pra nga ajo që dëgjuam nga Ministri i Jashtëm Bullgar disa ditë më parë, Bullgaria mbetet në deklaratën e miratuar në Parlamentin Bullgar, që do të thotë se është e qartë për të gjithë ne se cilat janë pozicionet negociuese të Bullgarisë. Nga ana e Republikës së Maqedonisë kemi fraza, kemi thënë shumë fjalë, shumë premtime, por jo vija të kuqe nacionale të vendosura për të cilat nuk jemi të gatshëm të negociojmë, pra themi se identiteti, historia, gjuha, por shpesh nga kjo qeveri e tanishme e LSDM dhe BDI-së kemi parë që premtojnë se çështje të caktuara nuk negociohen por është pikërisht këto çëshjte po negociohen,” tha Muçunski.
[Burim: VMRO-DPMNE/ueb-Mucunski, data: 09.06.2021]
ARSYETIM:
Deputeti Timço Mucunski nga VMRO-DPMNE në një intervistë për “Utrinski Briefing”, të përcjellë në “Sloboden Pecat”, pretendon në mënyrë të gabuar se Maqedonia e Veriut nuk ka vija të kuqe në zgjidhjen e mosmarrëveshjes me Bullgarinë.
Duke shpjeguar protestat që partia e tij po zhvillon në Shkup dhe qytete të tjera të vendit për dy orë çdo ditë, Mucunski thotë se këto janë protesta paralajmëruese pikërisht sepse në vend u thanë “fraza, shumë fjalë, premtime, por nuk u vendosën vija të kuqe kombëtare “.
Muçunski, i cili është gjithashtu sekretar për bashkëpunim ndërkombëtar i VMRO-DPMNE-së, harron deklarata të shumta nga dy përfaqësuesit më të lartë të vendit, kryeministri Zoran Zaev dhe presidenti Stevo Pendarovski. Këtu janë vetëm disa nga deklaratat në muajt e fundit:
Stevo Pendarovski me 29.10.2020:
Ajo që unë kategorikisht mund ta përsëris është se nuk ka lëshime dhe nuk do të ketë, as nuk do të ketë negociata për identitetin maqedonas dhe gjuhën maqedonase. Kjo është ndjenja jonë dhe natyrisht nuk duhet të ketë negociata për identitetin tonë.
Zoran Zaev me 29.10.2020:
Pajtohem me Presidentin Pendarovski se nuk ka negociata për identitetin dhe gjuhën. Por mirëkuptimi i ndërsjellë brenda na çon në atë që e quajmë realitet. Fakti është që ne kemi një histori të përbashkët dhe nëse jemi të zgjuar me një fokus dominues në të ardhmen ne kemi mundësinë ta përdorim atë.
Zoran Zaev me 01.03.2021:
Qeveri as ka negociuar, as do të negociojë për identitetin dhe gjuhën maqedonase
Zoran Zaev me 05.05.2021:
Me koston e identitetit maqedonas dhe gjuhës maqedonase, ne nuk kemi nevojë për Bashkimin Evropian, sepse ne do të jemi pluhur në erë dhe kush do të hyjë në BE?
Zoran Zaev më 05.06.2021:
Unë apeloj për maturi sepse ne e kemi konfirmuar një mijë herë, ndërsa qëndrojnin pranë meje Zëvendës President i BE-së, Borrell, ose Timmermans ose Presidenti Von Der Line ose ndonjë prej njerëzve që janë udhëheqës të BE-së, përfshirë presidentët dhe kryeministrat e shteteve anëtare, qartësisht unë thashë se nëse gjuha maqedonase dhe identiteti maqedonas janë në tryezë, ne nuk negociojmë, kështu që ja ku është 22 do të dihet se çfarë u diskutua. Kjo është 18 ditë nga sot
Siç mund të shihet nga disa deklarata të bashkangjitura nga tetori 2020 deri në qershor 2021, Maqedonia e Veriut, e përfaqësuar nga Presidenti Stevo Pendarovski dhe Kryeministri Zoran Zaev, vazhdimisht shprehin të njëjtin qëndrim, i cili de fakto flet për vijat e kuqe maqedonase – çështjet që lidhen me identitetin dhe çështjet që lidhen me gjuhën maqedonase nuk janë dhe nuk do të jenë temë të negociatave me Bullgarinë.
Është një çështje krejt tjetër nëse partia e Muçunskit është e përfshirë në të gjitha detajet e zgjidhjes së mosmarrëveshjes, rezultati i së cilës pritet më së voni në dhjetë ditë, kur do të shihet nëse vetoja bullgare për fillimin e negociatave të pranimit në BE do të hiqet.
Për shkak të argumenteve të mësipërme, mund të vlerësohet se deklarata e Muçunskit se vendi nuk kishte vija të kuqe të ngurta është e pavërtetë.
BURIME:
- ВМРО-ДПМНЕ – Изјава на Муцунски – [Проверено на 11.06.2021]
- ДВ – Изјава на Стево Пендаровски – [Проверено на 11.06.2021]
- ДВ – Изјава на Зоран Заев – [Проверено на 11.06.2021]
- 24 Вести – Изјава на Зоран Заев – [Проверено на 11.06.2021]
- ДВ – Изјава на Зоран Заев – [Проверено на 11.06.2021]
- РСЕ – Изјава на Зоран Заев – [Проверено на 11.06.2021]
Vlerësoi: Теofil Bllazhevski
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
