Kundërspin: Faktet janë të parëndësishme për VMRO-DPMNE-në – për to gjithmonë fajtor është Filipçe

Çfarëdo që bëjnë autoritetet shëndetësore dhe politike në lidhje me shëndetin dhe krizën ekonomike nuk ka qenë e mirë, nuk është dhe nuk do të jetë. Me vlerësime të tilla absolutiste dhe të vështira, nuk është për t’u habitur që për trendin e fundit të rritjes së numrit të të infektuarve pas mbi dy muajsh rënie dhe gjendje të qëndrueshme, publikut i komunikohet spin se situata ka dal plotësisht jashtë kontrollit dhe për këtë është fjator, kush tjetër, përveç Filipçes!

 

Shkruan: Teofil Bllazhevski

 

Lidhur me krizën e koronës, VMRO-DPMNE komunikoi në publik një deklaratë në të cilën shihet një spin:

Spin: Paaftësia e Ministrit Venko Filipce konfirmohet nga shifrat e shpallura të Ministriasë e Shëndetësisë, me të cilën menaxhon.
Pas numrit shkatërrues të djeshëm të 317 pacientëve në një ditë, sot Ministria dhe Instituti i Shëndetit Publik me rekorde të reja të zeza.
Krahasuar me javën e kaluar, një rritje prej 35.5% në numrin e pacientëve të rinj ose më shumë se një e treta. 30 vdekje u raportuan ose 7.1% më shumë se javën e kaluar.
Situata është krejtësisht jashtë kontrollit …

[Burimi:VMRO-DPMNE – Njoftim / ueb-faqe – data: 08.10.2020]

Kundërspin: VMRO-DPMNE, duke përdorur rezultatet e statistikave të botuara çdo ditë nga autoritetet shëndetësore kompetente në lidhje me situatën ditore dhe javore rreth epidemisë/pandemisë së koronavirusit, në tre deklarata në më pak se 24 orë doli me informacion me spin se “situata është e plotësisht jashtë kontrollit “dhe se këto” shifra konfirmojnë paaftësinë e Ministrit Venko Filipce “.

Spini konsiston në faktin se VMRO-DPMNE shtrembëron plotësisht situatën me pandeminë në vendet përreth dhe në botë, si dhe një analizë më serioze të shifrave të botuara nga Instituti i Shëndetit Publik. Për shembull, duke cituar shifra për rritjen e të infektuarve dhe të vdekurve rishtazi, VMRO-DPMNE nuk rendit parametra të tjerë kryesore statistikore që do të ishin thelbësore për të kuptuar përgjegjësinë për numrat në rritje. Ata nuk deklarojnë se për periudhën nga 28 shtatori deri më 4 tetor, ka një rritje dramatike të rasteve të reja të grupmoshës 20-29 vjeç për 60 përqind dhe për grupmoshën 30-39 vjeç për 46.1 përqind.

Numri i të infektuarve është në rritje në Evropë dhe në botë 

Nëse nga partisë thonë këto numra, ata mund të tregojnë, për shembull, se të sapoinfketuarit janë në grupmoshën që lëviz më shpesh dhe është aktive gjatë gjithë ditës. Nga mbledhja në restorante te përdorimi i transportit publik, për shembull, për të shkuar në punë, ku ka gjithashtu një prani të shtuar të personave në kompani dhe në institucione për shkak të përfundimit të pushimeve, të cilat janë zgjatur deri në fund të Shtatorit. Dhe pse, për shkak të mosrespektimit të masave të vetë-mbrojtjes dhe për shkak të rritjes së aktiviteteve të këtyre grupmoshave, Filipçe do të ishte personi më përgjegjës?

Së dyti, numri i të infektuarve rishtas është një trend si në rajon dhe në botë. Sidoqoftë, VMRO-DPMNE nuk e sheh këtë dhe nuk është e interesuar për lajme të tilla, sepse ato nuk janë të përshtatshme për të marrë përsipër përgjegjësinë e përfaqësuesve të shëndetësisë dhe autoriteteve politike në vend. Nuk ka asnjë lajm nga SlloveniaGreqiaBullgaria, Kroacia, Serbia, BH, etj. VMRO-DPMNE nuk e sheh që në Evropë dhe botë numrat po rriten ndjeshëm për disa ditë ose dy ose tre javët e fundit, as faktin se për shkak të kësaj situate në shumë vende evropiane po kthehen me masa kufizuese në masë më të madhe ose më të vogël, siç raportoi BBC dy ditë më parë.

Spin i vazhdueshëm i VMRO-DPMNE-së

Së treti, në VMRO-DPMNE ekziston një qëndim konstant. Kjo i referohet mospërputhjes dhe spinimeve të partisë në kuptimin e mënyrës se si shteti trajton pandeminë/epideminë.

Pra, në VMRO-DPMNE pas deklaratës fillestare në shkurt se virusi korona do të përdoret nga qeveria për të parandaluar partinë nga mobilizimi i njerëzve, në mars ata kërkuan dorëheqjen e Filipçes për shkak të çështjes së drejtores së Klinikës së Lëkurës në Shkup. Më vonë atë muaj, menjëherë pas shpalljes së gjendjes së jashtëzakonshme, ata thanë më mirë do të ishte një gjendje krize, sepse gjendja e jashtëzakonshme do të shfrytëzohej, përkatësisht do të keqpërdoret.

Pastaj, në prill, pasoi një spin për mungesën e pajisjeve mbrojtëse, për shkak të së cilës punonjësit shëndetësorë u infektuan, së bashku me kolapsin e ekonomisë, ndërsa në maj, për shkak të 22 të infektuarve të një ditë më parë, Filipçe ishte përsëri fajtori kryesor prej të cilit kërkohej dorëheqja.

E gjithë kjo ndodhi së bashku me një numër spinimesh të tjera, për shembull, rreth orës policore gjatë Pashkëve dhe Bajramit. Situata me reagimet nga partia e opozitës u qetësua para dhe gjatë zgjedhjeve, dhe pas një pauze të shkurtër, ata filluan të kërkojnë përgjegjësi nga Filipçe përsëri në gusht dhe shtator, duke u mbështetur në numrat dhe situatën. Filipçe ishte fajtori kryesor për ta (gjithmonë edhe Zoran Zaev pranë tij), edhe kur numri i rasteve aktive, si dhe personat e sapo infektuar si përqindje e numrit të përgjithshëm të testuar ranë për dy muaj të tërë! Për ta, edhe atëherë, vendi ishte një “vrimë e zezë në rajon dhe në Evropë” , dhe me një rënie të vazhdueshme të rasteve aktive, në shtator u quajt “Ministri i Infeksionit dhe Vdekjes”.

Siç mund të shihet kronologjikisht, në VMRO-DPMNE ka konsekuencë dhe qëndrime konstante spinimesh, veçanërisht kur bëhet fjalë për situatën me krizën e virusit korona.

Çfarëdo që bëjnë autoritetet shëndetësore dhe politike në lidhje me krizën shëndetësore dhe ekonomike nuk bën, nuk ka qenë e mirë dhe nuk do të jetë e mirë. Me vlerësime të tilla absolutiste dhe të vështira, nuk është për t’u habitur që për trendin e fundit të rritjes së numrit të të infektuarve, pas më shumë se dy muajsh rënie dhe gjendje të qëndrueshme, publikut i komunikohet me spin se Filipçe është fajtor dhe se situata ishte plotësisht jashtë kontrollit. Gjë që nuk duhet të jetë për t’u habitur, sepse Filipçe është gjithmonë fajtor për VMRO-DPMNE-në.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

>Vërtetmatësit, projekt për rritjen e llogaridhënies dhe përgjegjësisë të politikanëve dhe partive politike përpara qytetareve, i realizuar nga Fondacioni Metamorphosis Artikulli mundësohet me përkrahje të fondacionit jofitimprurës amerikan (NED - National Endowment for Democracy). .