Frymëzimi i pashtershëm për dezinformim – Luksi i ri i pretenduar i Zelensit është “Mercedes” i Hitlerit
Presidenti ukrainas Volodymyr Zelenski është sërish shënjestër e dezinformatave kinse dyshohet se ka shpenzuar para të destinuara për ushtrinë ukrainase. Kësaj radhe pretendohet se ka blerë të famshmin “Mercedes-Benz 770”, pronari më i famshëm i të cilit ishte Hitleri. Lajmi vjen nga “portali i lajmeve” Seattle Tribune, i cili u krijua pak ditë para se të publikohej lajmi i fundit dhe burimi kryesor është një screenshot i manipuluar nga Telegram. Jo vetëm që nuk citohet një postim i tillë i grupit Telegram, por ilustrimi është redaktuar nga dy foto të ndryshme. Ky sulm i ri ndaj Zelenskit pason vetëm pak ditë pasi ai ishte në Shtetet e Bashkuara, ku prezantoi “Planin e Fitores”.
Sulmet e dezinformimit ndaj presidentit ukrainas Volodymyr Zelenski kanë qenë konstante që nga fillimi i luftës në Ukrainë. Kësaj radhe pretendohet se ai dyshohet se ka blerë Mercedes-Benz 770 ose Großer Mercedes (Big Mercedes) të diktatorit famëkeq të Gjermanisë naziste, Adolf Hitler, për 15 milionë dollarë. Është e vërtetë që “Mercedes-Benz 770” ishte një nga modelet më të njohura dhe më të përdorura në radhët e Partisë Naziste të Gjermanisë dhe se pikërisht këtë makinë parakalonte Hitleri pas fitores së Francës. Por në vitin 2018, ajo u hodh në ankand në Arizona, SHBA. Ky dezinformim u kontrollua nga disa kolegë nga Lituania (15 minuta dhe Delphi), Republika Çeke, SHBA (Forbes dhe Zëri i Amerikës), Ukraina (United 24 Media dhe Qendra për Ballafaqimin me Disinfo), Rusia, Australia, gjithashtu edhe nga shërbimi diplomatik i BE-së, BE kundër Disinfo.
“Lajmi” nis të përhapet mjaft shpejt në vendet baltike dhe Ukrainë, me një foto apo video që shpërndahet, si dhe një lidhje direkte nga faqja e Seattle Tribune, e cila në pamje të parë duket si një portal i vërtetë lajmesh.
Por momentet më problematike me portalin mund të shihen menjëherë. Së pari, sipas Bibliotekës së Kongresit të SHBA-së, Seattle Tribune, një gazetë javore, u themelua në vitin 1931 dhe nuk dihet saktësisht se kur u mbyll në shekullin e kaluar. Për rrjedhojë, nuk mund të gjendet asnjë e dhënë nëse ka ndonjë lidhje me portalin e krijuar më vonë me këtë emër.
Së dyti, fakti që faqja është regjistruar për herë të parë më 3 tetor 2024, pra disa ditë para se të publikohej lajmi i fundit për Zelenskin, është shumë i dyshimtë. Në faqe nuk mund të gjeni gjurmë, lidhje me gazetarët që shkruajnë lajmin, datën kur është publikuar lajmi apo ndonjë informacion për vetë portalin. Këto janë tregues të qartë se kjo faqe po imiton një portal të vërtetë lajmesh për të krijuar vektorë të rinj sulmesh dezinformative, një taktikë e njohur.
Është gjithashtu e dyshimtë që burimi kryesor i këtij lajmi është në fakt një pamje nga një kanal në platformën Telegram të quajtur „Реальна Війна“ ose Lufë Reale (nuk ka lidhje me postimin në Telegram)
Foto: Imazhi i manipuluar nga Seattle Tribune, dyshohet se është marrë nga grupi Telegram “Luftë Realee”
Vetë fotografia, nga ana tjetër, e “Mercedesit”, që dyshohet se është parkuar para pallatit presidencial të Ukrainës, shihet e redaktuar nga të paktën dy foto.
Frymëzimi i pashtershëm për dezinformim – Luksi i ri i pretenduar i Zelensit është “Mercedes” i Hitlerit
Shkrimi i mëparshëm 1 of 3 Shpallje e ardhshme
Njëra fotografi, e pallatit presidencial në Kiev, mund të gjendet në Adobe Stock – një faqe për shkarkimin e fotografive për përdorim komercial. Dhe tjetra mund të gjendet në platformën Pinterest. Manipulimi bëhet duke shtuar foton e makinës mbi foton tjetër të Pallatit. Të njëjtat pjesë shihen nga krahët e “Mercedesit” dhe nga pjesa përpara. Dhe jo vetëm kaq, në foto shihet se moti ishte me diell ose të paktën i kthjellët. Dhe, më 6 tetor, kur ky dezinformim fillon të qarkullojë, parashikimi i motit për Kievin regjistroi një sasi rekord reshjesh.
Frymëzimi për këtë dezinformim
Ashtu si në të gjitha rastet e mëparshme kur Zelenski dhe anëtarët e familjes së tij ishin në shënjestër të dezinformimit, zakonisht paraprihej nga ndonjë ngjarje e rëndësishme që do të zgjonte propaganduesit rusë, e gjitha për të larguar vëmendjen diku tjetër. Konkretisht, për të minuar besimin jo vetëm të qytetarëve të Ukrainës, por edhe të politikanëve dhe aleatëve nga SHBA dhe Perëndimi, të cilët i furnizojnë me ndihmë financiare dhe ushtarake. Dhe, me këtë, ndihma që ata marrin vonohet ose bllokohet, siç ishte rasti me Kongresin Amerikan këtë dimër.
Këtë herë, arsyeja e mundshme është se një javë para se të krijohej uebfaqja e Seattle Tribune, Zelenski ishte në Shtetet e Bashkuara. Konkretisht, më 23 shtator ai ka qenë në shtetin federal të Pensilvanisë, ku ka vizituar një fabrikë municionesh dhe pak ditë më vonë, më 26 shtator ka prezantuar “Planin e Fitores” në Zyrën Ovale të Shtëpisë së Bardhë.
Meqë ra fjala, vetëm këtë vit, Vërtetmatësi ka kontrolluar gjashtë herë dezinformata të ndryshme rreth luksit të pretenduar të Zelenski, sipas të cilave rezulton se ai deri më tani ka shpenzuar një miliard dollarë të destinuara si ndihmë për ushtrinë ukrainase.
Fusha të reja, gënjeshtra të vjetra – po qarkullojnë sërish dezinformata për Zelenskin
Nuk është e vërtetë që gruaja e Zelenskit ka blerë një makinë Bugatti 4.5 milionë euro
Nuk ka asnjë provë që Zelensko ka blerë një vilë nga mbreti britanik Charles III për 20 milionë dollarë
Ndihma financiare për Ukrainën po shembet nga dezinformatat
Zelenski nuk bleu dy jahte me vlerë 75 milionë dollarë
Zelenski nuk bleu një kazino në Qipro
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari