Është gënjeshtër që Nensi Pelosi u arrestua
Fotografia është bërë më 13 janar 2021, në momentin kur Pelosi po kthehej nga debati për shkarkimin e ish-presidentit amerikan Donald Trump në Uashington. Nga zyra e Pelosit dhe Shërbimi Marshall i SHBA-së, në një deklaratë për shërbimin e kontrollit të fakteve të AFP, deklaruan se fotografia nuk tregonte asnjëfarë arrestimi të Pelosit.
Një postim në Facebook pretendon se kryetarja e Dhomës së Përfaqësuesve të Kongresit Amerikan, Nensi Pelosi, është arrestuar. Kjo nuk është e vërtetë.
Postimi shpërndan një fotografi të Pelosit me dy gra me shenja në xhaketë. Në njoftim thuhet se dy femrat janë nga FBI.
Fotoja është e vjetër, e vitit 2021 dhe nuk tregon arrestimin e Pelosit. Ky informacion u hodh poshtë nga disa shërbime të kontrollit të fakteve vitin e kaluar.
Fotografia është bërë më 13 janar 2021, teksa Pelosi po kthehej nga debati për shkarkimin e ish-presidentit amerikan Donald Trump në Uashington.
Nga zyra e Pelosit dhe Shërbimi Marshall i SHBA-së, në një deklaratë për shërbimin e kontrollit të fakteve të AFP, deklaruan se fotografia nuk tregonte asnjëfarë arrestimi të Pelosit.
Dru Hamill, zëvendës shefi i shtabit të Pelosit, për AFP deklaroi se pretendimet se Pelosi ishte arrestuar ose mbikëqyrur nga Zyra Marshall e SHBA ishin “të rreme”.
William Delaney, zyrtar i marrëdhënieve me publikun në Zyrën e Marshall SHBA, në një deklaratë për AFP theksoi:
Mund të konfirmoj se çdo pretendim se kemi arrestuar Pelosin është absurd dhe i rremë.
Ai shtoi:
Zyrtarët e zbatimit të ligjit që shihen në foton tuaj nuk janë pjesë e shërbimit tonë. Marshalët tanë kanë distinktivë që janë dukshëm të ndryshëm, me një yll të madh argjendi.
Lajmi se Pelosi u arrestua u hodh poshtë edhe nga shërbimi për kontrollin e fakteve i Reuters.
Nga e gjithë kjo mund të konstatojmë se postimi që po analizojmë është i pavërtetë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari