Është dezinformatë që Xhaferi ishte i dehur gjatë seancës

 

Një postim në Facebook përhap lajm të rremë që Kryetari i Kuvendit, Talat Xhaferi, ishte i dehur gjatë seancës. Bëhet fjalë për seancën që u zhvillua më 24.12.2020, dhe që zgjati gjithë natën, deri në orët e vona të mëngjesit. Mosmarrëveshja midis Qeverisë dhe Makpetrol, përkatësisht marrja e GAMA-s nga shteti u diskutua në seancë.

Postimi shpejt u bë viral dhe në kohën e analizës sonë dhe kishte rreth 1,750 ndërveprime (reagime, komente dhe shpërndarje). Nga komentet poshtë postimit, mund të vërehet se si qytetarët u kapën në një gënjeshtër të tillë dhe drejtuan fyerje të ndryshme për Kryetarin e Kuvendit.

Postimi përcjell një artikull me titull: “Xhaferi i dehur në seancën e Kuvendit? (VIDEO) “.

Në seancën hyrëse në të cilën u diskutua për marrëveshjen ndërmjet Qeverisë së Republikës së Maqedonisë dhe Ga-Ma-s, Kryetari i Kuvendit, Talat Xhaferi, la përshtypje të madhe. Shumica dyshojnë se Xhaferi erdhi me nivel të lartë të alkoolit në gjak dhe arsyeja e dyshimit janë reagimet e tij, të cilat mund t’i shihni në videon më poshtë , thotë artikulli.

Artikulli nuk pretendon që folësi ishte i dehur, por supozon, dhe kjo mund të shihet nga pikëpyetja në titull. Artikulli citon “burime” të tilla si “shumica dyshojnë, dhe cilat janë “shumica” nuk tregohet. Me faktin se ata dyshojnë, është e qartë se ajo që është shkruar në artikull është e dyshimtë, përkatësisht nuk është kontrolluar. Për më tepër, artikulli thotë se arsyeja e dyshimit janë reagimet e Xhaferit që mund të shihen në video.

Nën këtë, u postua një video me njoftimin: ” Promilat e alkoolit duhet të matet kur hyni në një seancë Parlamentare! Sidomos ato të atij të kontrabanduar! “ Por kur lëshohet videoja do të shihni se është një montazh i thjeshtë. Gjegjësisht, nga aeroplani mund të shihni se fjalimi i Xhaferit është prerë, ngjitur dhe montuar dhe se është bërë që të duket sikur folësi po flet gjëra pa lidhje.

Kjo montazh nuk është aspak një konfirmim se Xhaferi ishte i dehur në seancë.

Por, ajo që e vërteton se këto janë insinuata, janë raportet gazetareske të disa mediave për seancën e treguar, në të cilën nuk u përmend askund se Xhaferi ishte nën ndikimin e alkoolit atë natë.

Vërtetmatësi gjithashtu iu drejtua zyrës së kryetarit Talat Xhaferi, në mënyrë që të merrte një përgjigje në pyetjen, nëse është e vërtetë që ishte në seancë i dehur.

Prej andej, kategorikisht i mohuan akuzat e tilla.

Duke qenë se është fundi i vitit dhe në legjislaturë çdo ditë, dhe nganjëherë deri në mbrëmje vonë ose herët në mëngjes, zhvillohen seanca plenare dhe seanca të trupave punues, puna e të cilave, duke pasur parasysh angazhimin për një parlament transparent dhe të qasshëm, transferohet drejtpërdrejt në kanalin parlamentar, për fat të keq, kepërdortet pozita dhe personaliteti i kryetarit të Kuvendit të Republikës së Maqedonisë Veriore, z. Talat Xhaferi me insinuata të montuara, keqdashëse dhe të pakonfirmuara, të cilat diskreditojnë personalitetin, pozicionin dhe detyrën e tij përgjegjëse para institucioneve dhe qytetarëve. Fakt është se kjo përbërje parlamentare, përveç se është e re, përbëhet nga shumica e deputetëve që janë në detyrë për herë të parë dhe, natyrisht atyre u duhet kohë për të mësuar të drejtat dhe detyrimet e dhëna nga Rregullorja e Kuvendit dhe si të kryejnë detyrat e tyre parlamentare. Do të ishte mirë nëse media, portalet dhe publiku vlerësojnë dhe respektojnë gatishmërinë e kryetarit Xhaferi për t’u takuar me këshilla dhe sugjerime për të gjithë deputetët, pavarësisht përkatësisë së tyre, siç deklaroi ai në fillim të mandatit të tij, tani redhe në mandatin e dytë, se ai do të jetë kryetar i të gjithë deputetëve. Me shpresën se këto video të montiara në dukje nuk do të kenë sukses në ato qëllime dashakeqe, ne i refuzojmë me indinjatë na u përgjigj nga zyra e Xhaferit.

Nga e gjithë kjo, mund të konkludohet lajmi se Xhaferi erdhi në seancë i dehur është një gënjeshtër e thjeshtë, e mbështetur nga një video e montuar. Montazhe dhe gënjeshtra të tilla mund të dëmtojnë shumë reputacionin e personit të cilit i referohen, në këtë rast kryetarit të parlamentit të RMV-së, Talat Xhaferi.

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari