DfrLab: Reagim i dobët i mediave pro-Kremlin për kthimin e Navalnit në Rusi
Mediat e kontrolluara nga Kremlini me fushatën e tyre nuk arritën të njollosin reputacionin e Aleksei Navalni pas kthimit të tij në Rusi. Kritikusi më i madh i Kremlinit, i njohur për investigimin e skemave të korrupsionit të elitës politike dhe të bizneseve ruse, kohët e fundit publikoi dëshmi se Vladimir Putin personalisht urdhëroi helmimin e tij në gusht të vitit 2020, thuhet në artikullin e fundit të Dfr Lab, përcjell Kritink. Pas helmimit të NavalnI në gusht 2020, mediat e kontrolluara nga Kremlini nuk filluan ndonjë fushatë të madhe informimi kundër Navalni, siç ishte rasti me helmimin e Sergei Skripal, një ish-oficer i inteligjencës ruse dhe vajzës së tij Julia Skripal në mars të vitit 2018. Në çështjen Skripal, media e kontrolluar nga Kremlini doli me të paktën pesë teori të ndryshme konspiracioni rreth asaj se kush helmoi ish-agjentin e dyfishtë dhe vajzën e tij.
Pas helmimit të Navalnit versioni anglisht i RT mohoi që ai ishte helmuar, bazuar në rezultatet paraprake nga testet nga mjekët rusë në Omsk, ku Navalni mori ndihmën e parë, duke shpjeguar pse Kremlini nuk do të përfitonte nga atentati i Navalni. RT më vonë citoi dy shkencëtarë të përfshirë në zhvillimin e helmit nervor Noviçok të thoshin se “simptomat e Noviçok nuk janë absolutisht të ngjashme” me ato që përjetoi Navalni.
Mungesa e një fushate të fortë për të njollosur Navalnin dhe shfaqja e një rrëfimi të ri që gruaja e tij Julia do të zërë vendin e tij mund të tregojë se Kremlini është ende në kërkim të strategjive të reja të komunikimit. Strategjitë e mëparshme të injorimit të Navalni si një bloger i parëndësishëm dhe përpjekjes paradokale për ta quajtur atë një agjent të fshehtë të Kremlinit duket të janë joefektive. Navalni u kthye në Rusi në 17 janar dhe u arrestua pas arritjes. Ai u kthye nga Gjermania, ku u shërua pas një përpjekje të dështuar për t’u helmuar me një substancë nga grupi i agjentëve nervorë Noviçok, ndërsa ishte në Tomsk, Siberi më 20 gusht të vitit 2020.
Më 19 janar, ekipi i Navalni publikoi dokumentar që ekspozon skemën e korrupsionit për pallatin e Vladimir Putinit në Detin e Zi. Në tre ditët e para, dokumentari grumbulloi rreth 54 milion shikime në YouTube. Dokumentari gjithashtu u bëri thirrje njerëzve të dilnin në rrugë në 23 janar.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari