Bozhilov nuk tha se Bullgaria do t’i fajësojë maqedonasit për kërcënimet me bombë në Bullgari

Nga deklarata origjinale e Bozhilovit dhënë për BNT, kuptohet se ai ka thënë diçka në një kontekst krejt tjetër dhe nuk ka thënë fare se Bullgaria do të fajësojë maqedonasit për raportimet për bomba. Bozhilov flet për ngritjen e akuzave në Maqedoni për raportimet për bomba në vend dhe këtë e ka bërë të ditur vetë ministri i Punëve të Brendshme Oliver Spasovski.

Po shqyrtojmë një postim të publikuar në rrjetin social Facebook ku thuhet:

Bullgaria do të fajësojë EDHE MAQEDONASIT për raportimet për bomba në vendin e tyre, pohon drejtori i Forumit të Sigurisë së Sofjes.

Në tekstin e shpërndarë si pjesë e postimit me titull: “Bullgaria do të fajësojë edhe maqedonasit për raportimet për bomba në vendin e tyre, pohon drejtori i forumit të sigurisë së Sofjes”, thuhet.

Jo të gjitha kërcënimet mbyllin shkollat. Jemi duke punuar në versione të ndryshme, njëri prej të cilëve është kërcënimi hibrid në lidhje me Rusinë, por do të akuzohen edhe disa maqedonas që janë të lidhur me njërën nga partitë politike në RMV, shtoi Jordan Bozhillov.

Mirëpo, deklarata që i atribuohet drejtpërdrejt Bozhillovit nuk është dhënë asnjëherë në atë formë dhe me atë përmbajtje. Domethënë, Bozhilov nuk tha se Bullgaria do t’i fajësojë maqedonasit për raportimet për bomba në vendin e tyre. Sipas tekstit të postimit që po shqyrtojmë, deklarata është bërë për BNT (Televizioni Kombëtar Bullgar).

Mirëpo, kur shikon deklaratën origjinale të Bozhilovit të dhënë për BNT përmes video-lidhjes në linkun tjetër duke filluar nga sekonda e 25 , shihet se ai ka thënë diçka në një kontekst krejtësisht tjetër dhe nuk ka thënë fare se Bullgaria do të fajësojë maqedonasit për raportimet për bomba në vendin e tyre.

Edhe në Maqedoninë e Veriut po punohet për versione të ndryshme. Para së gjithash, kishte informacione për kërcënime hibride, të lidhura edhe me Rusinë. Ky informacion u botua në Bullgari në një nga konferencat që mbajtëm. Por tani, siç e kuptoj, do të ngrihen akuza kundër disa maqedonasve, shtetas maqedonas, të cilët janë të lidhur me një nga partitë politike në Maqedoni.

Konteksti i deklaratës së dhënë është i tillë, është e qartë se Bozhilov flet për situatën me kërcënimet me bombë në Maqedoninë e Veriut, jo në Bullgari. Ministri i Punëve të Brendshme, Oliver Spasovski, në një intervistë për Radion Evropa e Lirë ka njoftuar se për kërcënimet me bombë do të akuzohen disa shtetas të Maqedonisë.

Në rastin konkret, në deklaratën e transmetuar të Bozhilovit është bërë një gabim për shkak të përkthimit të cilësisë së dobët dhe është përhapur dezinformata.

Bozhilov flet për ngritjen e akuzave në Maqedoni për raportimet për bomba në vend, dhe këtë e ka bërë të ditur vetë ministri i Punëve të Brendshme Oliver Spasovski. Nuk ka dyshim se shtetasit maqedonas do të akuzohen për kërcënime me bombë në Bullgari. Për të gjitha faktet e mësipërme, ne e vlerësojmë postimin që po shqyrtojmë si të pavërtetë.

Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari