Bisedat e përgjuara janë dëgjuar 4 milion herë

Publikimet e konferencave për shtyp të opozitës, në të cilën u shfaqën bisedat e përgjuara telefonike, janë vizituar 588 mijë herë

Javën e kaluar u shënuan 2 vite prej kur LSDM dhe lideri i opozitës Zoran Zaev filloi me publikim e bisedave të përgjuara në konferenca publike për shtyp. Siç është e njohur, në atë periudhë mediumet pro qeveritare të të gjitha llojeve nuk publikuan asgjë nga përmbajtja e këtyre bisedave. Informimi i konferencave për shtyp nga këto mediume ishte shumë i çuditshëm. Nga ata informohej, jo përmbajtja, për momente periferike, këto konferenca për shtyp shfrytëzoheshin që të sulmohet lideri i opozitës dhe e gjithë opozita në mes të raporteve gazetareske dhe shembujve, menjëherë pas konferencave, ndonjëherë në tërësi, ndonjëherë publikoheshin pjesë nga demantet e VMRO-DPMNE-së qeverisëse, demante që paraqiteshin pas çdo konference për shtyp në formë të deklaratës për opinion me qëllim që të ju jep material mediumeve afër tyre që të kenë se për çfarë të informojnë në emisione informative dhe portale që të mos duhet fare që të përmendin përmbajtjen e bisedave të përgjuara, por edhe të mos heshtin dhe të akuzohen dhe të mos i mbulojnë konferencat opozitare. Të njëjtin trajtim që atëherë e kishin konferencat opozitare, sot e ka Prokuroria Speciale Publike, gjë që është e zakonshme në shembujt televiziv të televizioneve proqeveritare që të mos dëgjohet çfarë ka thënë Katica Javena dhe Fatime Fetai, ndërsa eventualisht kanë dëgjuar se çfarë ka thënë Lençe Risteska, edhe atë kur i është përgjigjur pyetjes gazetareske për Zoran Verushevskin dhe lirimin e tij nga paraburgimi. Në atë kohë nuk kishte emsione debative në të gjithë televizionet kombëtare të cilat janë edhe sot, numri i portaleve kritike ishte, shumë i më i ulët se sot dhe shumë më i pakt se ato pro qeveritare, ndërsa gazeta e vetme e cila publikonte diçka nga përmbajtja e bisedave të përgjuara ishte “Shtypi i lirë”. Në këtë situatë, roli i internetit, para së gjithash edhe video shërbimi më popullor në internet, YouTube, ishte e rëndësisë së lartë që të shpërndahet përmbajtja e këtyre bisedave. Gjithsej, përfshirë edhe 14 shkurtin e këtij viti, këto biseda të përgjuara të cilat u publikuan nga 9 shkurti deri me 16 qershor të vitit 2015, deri më tani janë dëgjuar 4,1 milion herë. Përkrahë kësaj, klipet në formë të videove në të cilat janë të incizuara konferencat për shtyp janë shikuar 588 mijë herë. Seti më i dëgjuar i këtyre bisedave është i pari me mbi 397 mijë dëgjime, edhe pse nuk përmban asnjë aferë ose skandal, por bisedat e përgjuara nga përfaqësuesit e opozitës. Setet më të populluara janë bisedat e përgjuara me mbi 300 mijë dëgjime në fillim, siç janë ata të cilat kanë të bëjnë me arrestimin e Ljube Boshkovskit dhe ata të cilat përmbajnë deklaratën më të famshme e cila doli nga këto biseda, dhe e cila ka të bëj me të çmendurit të cilët blejnë çokollata, edhe pse nuk kanë buk e thënë nga ministri i atëhershëm i Financave, Zoran Stavrevski. Nga ana tjetër, numri më të vogël të dëgjimeve, diçka mbi 34 mijë dëgjime, ka ai set i bisedave në të cilin Nikolla Gruevski urdhëron që të ndërtohet dhe jep sqarime se çka është barok, si dhe ai që ka të bëj me bandën policore e cila shkoi që të rrihet me kundërshtarët politik në Ohër e cila ka diçka më pak se 38 mijë dëgjime. Përndryshe, faqja e cila përmban linqet e të gjithë bisedave të përgjuara këtu në “Vërtetmatës”, është më popullorja me mbi 48 mijë shikime të cilat janë bërë në periudhë prej një viti,

Informim shtesë: Olivera Vojnovska

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari