Biljana Beliçanec – Aleksiq

 

Biljana Beliçanec – Aleksiq është kryetarja aktuale e Komunës së Kisella Vodës. Ajo është aktore teatri, televizioni dhe filmi.

JETA PRIVATE

Ka lindur me 25 korrik të vitit 1973 në Shkup. Bashkëshorte dhe nënë e dy fëmijëve. Vajza e TV moderatorit dhe udhëheqësit të manifestimeve, Simon Beliçanec.

 

ARSIMIMI

Në vitin 1994 ka diplomuar së aktorja më e re e Fakultetit dramatik në Universitetin “Shën Kirili dhe Metodij” në Shkup.

 

KARRIERA

Pas diplomimit në vitin 1994 u punësua në Teatrin Popullor “Vojdan Çernodrinski” në Prilep, ku ka luajtur rolet kryesore për të cilat më vonë ka fituar shpërblime dhe mirënjohje. Në vitin 1997 është punësuar në Teatrin e Dramës – Shkup. Ka realizuar një numër të madh të roleve kryesore dhe dytësore në më shumë projekte të teatrit në Teatrin e Dramës dhe në institucione dhe projekte të tjera.

Është fituese e çmimit për realizim të aktrimit për rolin e Znj. Martin në shfaqjen “Prima Dona tullace”, çmimin “13 Nëntori” në qytetin e Prilepit për pjesëmarrjen  dhe prurjet në kulturë, çmimin për aktor të ri në Festivalin e MES Sarajevë viti 2000. Në vitin 2009 ka fituar çmimin për rolin kryesor femër në festivalin teatror “Vojdan Çernodrinski” për shfaqjen “Kinegonda në Karlalend” dhe në vitin 2012 për rolin Sara në “Qentë gjenetik”.

Fituese e mirënjohjes “Nëna Terezë” në vitin 2012.

Është parë në opinion për shkak të sinkronizimit të maqedonishtes në disa seriale turke, ndërsa populli ia dha nofkën “Hyrem”, pas sinkronizimit të personazhit Hyrem Sulltan në serialin turk “I madhërishmi”.

 

KARRIERA POLITIKE

Në zgjedhjet lokale të vitit 2013, si kandidat i VMRO DPMNE-së, ajo u zgjodh kryetare e re e Komunës së Kisella Vodës.

 

BURIME

Ueb-faqja e kandidatit për kryetar komune Biljana Beliçanec – Aleksiq – Biografia

Komplete – Ekziston një arsye e mirë se përse jemi ata që jemi – Biljana Beliçanec Aleksiq

(26.05.2012) 10pa10 – Në 10pa10 me Biljana Beliçanec – Aleksiq

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.