Asnjë virus i ri nuk është zbuluar që është 10 herë më i rrezikshëm se Kovid-19, por mutacioni i tij

Foto: HFCM Communicatie/Wikipedia.org

Një postim në Facebook manipulon se një virus i ri është shfaqur dhe se ai është shumë më i rrezikshëm se virusi korona. Hulumtimi i cituar në tekst, i cili citon Russia Today si burim, në fakt është hulumtim i bërë për të parë efektin e vaksinave në këtë mutacion të virusit korona, jo për të zbuluar një virus të ri.

Në një njoftim për media pretendohet se është zbuluar një virus i ri dhjetë herë më të rrezikshëm sesa ai i Wuhan, përkatësisht nga virusi korona. Por ky është vetëm një artikull tjetër mediatik që shton pa nevojë vaj në zjarr dhe ngre panik atje ku nuk ka vend për një gjë të tillë.

Titulli i këtij teksti të jep përshtypjen se ky është një virus i ri dhe se është shumë më i rrezikshëm sesa virusi korona, me të cilin e gjithë bota është përballur dhe ka luftuar për një vit. Është e mjaftueshme për të shkaktuar frikë tek ata që do ta lexojnë këtë tekst ose do ta shohin këtë titull në rrjetet sociale.

Por ky është manipulim .

Ky nuk është një virus i ri, as nuk është një virus 10 herë më i rrezikshëm. Është një mutacion D614G i virusit korona.

Dhe lajmet nuk janë aspak të reja. Mutacioni D614G u zbulua në shkurt në Evropë. Mutacioni është shumë i vogël – një aminoacid ndryshon nga D (acid aspariginik) në G (glicinë), pra D614G. Nga fillimi i marsit, rastet e D614G ishin raportuar në të gjithë botën, dhe ky mutacion specifik më pas përbënte rreth një të katërtën e të gjitha rasteve. Deri në maj, 70 për qind e të gjitha rasteve u shkaktuan nga ky mutacion, dhe tani shifra vlerësohet të tejkalojë 85 për qind dhe është lloji më i zakonshëm i mutacionit të virusit korona në botë, pra varianti mbizotërues në Evropë dhe Shtetet e Bashkuara. Organizata Botërore e Shëndetësisë thotë se nuk ka asnjë provë që kjo specie çonë në një sëmundje më të rëndë. Mutacioni është zbuluar gjithashtu në epidemitë e fundit në Kinë.

Kjo do të thotë se është e pasaktë të pretendosh në artikull mediatik se ky është një virus i ri dhe është e pasaktë të pretendosh se ky mutacion është dhjetë herë më i rrezikshëm, por është më ngjitës.

Kërkimi në burimin e cituar në tekst, Russia Today , dëshmon se bëhet fjalë për hulumtim të bërë për të parë ndikimin e vaksinave në këtë mutacion të virusit korona, jo për të zbuluar një virus të ri.

Ky lajm sensacional që manipulon lexuesit është bërë viral dhe është publikuar në disa portale që duket se po garojnë për të vendosur një titull sa më sensacional dhe më goditës, dhe kështu për të manipuluar më tej publikun.

Në detin e lajmeve negative që hasim çdo ditë, askush nuk përfiton nga vendosja e tillë e njoftimeve të bujshme që vetëm rrisin frikën tek publiku që ka qenë prej kohësh prezent dhe që merr jetë njerëzish.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari