Asfaltohet rruga në fsh. Mirditë, Gostivar
ARSYETIM: Në kuadër të Komunës së Gostivarit, u premtua asfaltimi i rrugës kryesore në Mirditë, Gostivar. Projekti u premtua dhe në Platformën promovuese të Bashkimit Demokratik për Integrim, zgjedhjet 2014. Me këtë investim të Komunën së Gostivarit, fshatit do t’i bëhej e mundur lidhja me rrugën magjistrale Gostivar – Kërçovë. Si afat i fundit për përfundimin e punimeve u dha viti 2016. Deri më tani (19.01.2017), ky premtim është i plotësuar.
“Rruga që lidh brendinë e fshatit Mirditë dhe që del në magjistralen Gostivar – Kërçovë, brenda javës do të asfaltohet”. (burimi: Shërbimi për Informim- Komuna e Gostivarit, 19.09.2016)
Kështu kishe premtuar Kryetari i Komunës së Gostivarit, i cili ishte i pranishëm në Mirditë për të parë nga afër punimet që po zhvilloheshin në rrugën kryesore të fshatit Mirditë.
Gjatësia e rrugës është rreth 670 metra, ndërsa pas asfaltimit të rrugës edhe zyrtarisht u vu në përdorim më 14.10.2016. Rruga kryesore e fshatit Mirditë të Komunës së Gostivarit është asfaltuar tërësisht. Sipas Kryetarit të Komunës së Gostivarit, Nevzat Bejta, kjo rrugë ka një gjatësi prej 710 metrash dhe me gjerësi prej 3,5 metrash. Bejta tha që investimi kap shifrën prej rreth 53 mijë, mjete këto të siguruara nga buxheti i Komunës së Gostivarit.
Komuna e Gostivarit dhe unë si kryetar, vazhdojmë të realizojmë atë që ua kemi premtuar qytetarëve, respektivisht të krijojmë kushte më të mira për jetesë, duke investuar në infrastrukturë dhe në sfera tjera. Rruga i plotëson të gjitha standardet e nevojshme dhe është ndërtuar nga firma e mirënjohur gostivarase “Magnum Trans”. (burimi: Aktuale.mk, Shërbimi për Informim- Komuna e Gostivarit, 14.10.2016)
Nga kjo që mundë të vlerësojmë, mundë të përfundojmë që projekti për asfaltimin e rrugës kryesore të fshatit Mirditë, Gostivar është i plotësuar.
BURIME:
- Platforma zgjedhore e Bashkimit Demorkatik për Integrim, zgjedhjet 2014;
- |19.09.2016| Po asfaltohet rruga kryesore e fshatit Mirditë (Shërbimi për Informim- Komuna e Gostivarit, shikuar më 20.12.2016);
- |14.10.2016| Inaugurohet asfaltimi i rrugës kryesore në fshatin Mirditë, investim mbi 50 mijë euro nga Komuna e Gostivarit (Shërbimi për Informim- Komuna e Gostivarit, shikuar më 20.12.2016);
- |14.10.2016| Inaugurohet asfaltimi i rrugës kryesore në fshatin Mirditë, investim mbi 50 mijë euro nga Komuna e Gostivarit (Aktuale.mk, shikuar më 20.12.2016);
Vlerësoi: Rabie Abazi
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
